ஆனந்தம் விளையும் பூமியடி

4. ஆனந்தம் விளையும் பூமியடி

கும்மியடி பெண்ணே கும்மியடி - சுகம்

கோடி விளைந்திடக் கும்மியடி

நமது இன்னல் போனதடி - என்று

நெஞ்சம் நெகிழ்ந்தே கும்மியடி

பாவலர் புகழும் பூமியடி- நம்

பாரதம் என்னும் தேசமடி

ஆனந்தம் விளையும் பூமியடி- புகழ்

ஆரம் கொண்ட தேசமடி

அறிவில் சிறந்த தேசமடி-நல்

அறிஞர்கள் வாழும் பூமியடி

மலையாய் உயர்ந்த தேசமடி- பெரும்

வளமும் கொண்ட பூமியடி

இந்தியா நமது தேசமடி- நீ

இணைந்து ஒன்றாய் வாழ்ந்திடவே

மண்ணைத் தாயாய் போற்றிட்டி-உன்

கண்ணைப் போலக் காத்திட்டி