சுருக்கமாக விடையளிக்கவும்.

V. சுருக்கமாக விடையளிக்கவும்.

1. மகரிஷி தேவேந்திரநாத் தாகூர் முன்வைத்த நம்பிக்கையின் நான்கு கூறுகளைக் குறிப்பிடுக.

• தொடக்கத்தில் எதுவுமில்லை, எல்லாம் வல்ல ஒரு கடவுள் மட்டுமே உள்ளார். அவரே இவ்வுலகத்தைப் படைத்தார்.

• அவர் ஒருவர் மட்டுமே உண்மையின், எல்லையற்ற ஞானத்தின், நற்பண்பின்  சக்தியின் கடவுளாவார். அவரே நிலையானவர். எங்கும் நிறைந்திருப்பார்.

• நம்முடைய வீடு பேறு, இப்பிறவியிலும் அடுத்த பிறவியலும் அவரை நம்புவரையும் அவரை வணங்குவதையும் சார்ந்துள்ளது.

• அவரை நம்புவதானது அவரை நேசிப்பதிலும் அவர் விருப்பதைச் செயல்படுத்துவதிலும் அடங்கி உள்ளது.

2. சமூகச் சீர்திருத்தங்களுக்கு மகாதேவ் ரானடேயின் பங்களிப்பைக் குறிப்பிடுக.

• சாதி மறுப்பு, சமபந்தி, சாதி மறுப்புத் திருமணம், விதவை மறுமணம், பெண்கள் மற்றும் ஒடுக்கப்பட்ட மக்களின் முன்னேற்றம் போன்ற நடவடிக்கைகளுக்காகத் தன்னை அர்ப்பணித்துக் கொண்டார்.

• விதவை மறுமணச் சங்கம், புனே சர்வஜனிக் சபா, தக்காணக் கல்வி கழகம் ஆகிய அமைப்புகளை ரானடே நிறுவினார்.

3. இராமலிங்க சுவாமிகளின் சீர்திருத்தங்கள் குறித்து சிறுகுறிப்பு வரைக.

• இராமலிங்க சுவாமிகள் தன்னுடைய அன்பையும் இரக்கத்தையும் செடிகொடிகள் உட்பட அனைத்து உயிரினங்களின் மேலும் காட்டினார். இதை அவர் ஜீவகாருண்யம் என்றார்.

• 1865 இல் சமரச வேத சன்மார்க்க சங்கம் எனும் அமைப்பை நிறுவினார். பின்னர் அது சமரச சுத்த சன்மார்க்க சத்ய சங்கம் எனப் பெயர் மாற்றம் செய்யப்பட்டது.

• 1866 இல் தென்னிந்தியாவில் ஏற்பட்ட கொடியப் பஞ்சத்தைக் கணக்கில் கொண்டு 1867இல் சாதி எல்லைகளைத் தாண்டி அனைத்து மக்களுக்குமான இலவச உணவகத்தை நிறுவினார்.

4. பிரம்ம சமாஜத்தால் ஒழிக்கப்பட்ட சமூகத்தீமைகள் யாவை?

• சாதி ஒழிக்கப்பட்டது.

• பலதாரமணம், குழந்தை திருமணம் தடை செய்யப்பட்டது.

• விதவை மறுமணம் ஊக்குவிக்கப்பட்டது.

• பெண்ணடிமை தனத்தை எதிர்த்தார்.

5. ஏழைகள் மற்றும் அடித்தட்டு மக்களின் நலன்களுக்காக ஜோதிபா பூலே ஆற்றிய பணிகளைக் கோடிட்டுக் காட்டுக.

• 1852 ஆம் ஆண்டு ஒடுக்கப்பட்டோருக்கான முதல் பள்ளியைப் புனேயில் திறந்தார்.

• சத்திய சோதக் சமாஜ் (உண்மையை நாடுவோர் சங்கம்) எனும் அமைப்பை நிறுவினார்.

• பூலே குழந்தைத் திருமணத்தை எதிர்த்தார்.

• விதவை மறுமணத்தை ஆதரித்தார்.

• ஜோதிபாவும் அவருடைய மனைவி சாவித்திரிபாயும் ஒடுக்கப்பட்ட மக்களின், பெண்களின் முன்னேற்றத்திற்காகத் தங்கள் வாழ்க்கையை அர்ப்பணித்தார்.