வட்டி

வட்டி

பொதுவாக கடன் பெறுபவர் கடன் வழங்கியவருக்கு செலுத்தும் தொகையே வட்டி எனப்படுகிறது.

1. பொருள்

முதலைப் பயன்படுத்திக் கொள்ள, அதைப் பெற்றவர்கள் அதை வழங்கியவர்க்கு வழங்கும் வெகுமதியே வட்டி ஆகும். 

“அங்காடியில் முதலைப் பயன்படுத்திக் கொள்வதற்காக கொடுக்கப்படுவது வட்டி” 

– ஆல்ஃபிரட் மார்ஷல்

2. வட்டியின் வகைகள் 

மொத்த வட்டி: 

கடன் பெற்றவரிடம் இருந்து கடன் கொடுத்தவர் பெறுகின்ற முழு வட்டி அளவு மொத்த வட்டி ஆகும். 

மொத்த வட்டி = நிகர வட்டி + சிரமத்தைத் தாங்கிக் கொள்வதற்கான ஊதியம் + இடரைத் தாங்குவதற்கான இழப்பீடு + கடனை மேலாண்மை செய்வதற்கான ஊதியம்

நிகர வட்டி: 

மொத்த வட்டியின் ஒரு பகுதியே நிகர வட்டி ஆகும். மூலதனத்தை பயன்படுத்த மட்டுமே இது வழங்கப்படுகிறது.

அரசு பத்திரங்களுக்கு வழங்கப்படும் வட்டி நிகர வட்டிக்கு எடுத்துக்காட்டாகும்.