கரைதிறன், நிறை சதவீத மற்றும் கனஅளவு சதவீத கணக்குகள்

கரைதிறன், நிறை சதவீத மற்றும் கனஅளவு சதவீத கணக்குகள்.

I. கரைதிறனை அடிப்படையாகக் கொண்ட கணக்குகள்.

1) 298 K வெப்பநிலையில் 15 கி நீரில், 1.5 கி கரைபொருளை கரைத்து ஒரு தெவிட்டிய கரைசல் தயாரிக்கப்படுகிறது. அதே வெப்ப நிலையில் கரைபொருளின் கரைதிறனைக் கண்டறிக

தீர்வு :

கரைப்பானின் நிறை = 15 கி

கரைபொருளின் நிறை = 1.5 கி

கரைபொருளின் கரைதிறன் = [கரைபொருளின் நிறை / கரைப்பானின் நிறை] × 100

கரைபொருளின் கரைதிறன் = [1.5 / 15] × 100

= 10 கி

2) 303 K வெப்பநிலையில் 60 கி நீரில் எவ்வளவு நிறையுள்ள பொட்டாசியம் குளோரைடு கரைந்து தெவிட்டிய கரைசலை உருவாக்கும்? அதே வெப்பநிலையில் பொட்டாசியம் குளோரைடின் கரைதிறன் 37/100 எனக் கொடுக்கப்பட்டுள்ளது.

தீர்வு :

100 கி நீரில் கரைந்து தெவிட்டிய கரைசலை உருவாக்கத் தேவையான பொட்டாசியம் குளோரைடின் நிறை = 37கி

60 கி நீரில் கரைந்து தெவிட்டிய கரைசலை உருவாக்கத் தேவைப்படும் = 37 / 100 × 60

பொட்டாசியம் குளோரைடின் நிறை

= 22.2 கி

3) 30 °C வெப்பநிலையில் 50கி நீரில் கரைந்து தெவிட்டிய கரைசலை உருவாக்கத் தேவையான சோடியம் குளோரைடின் நிறை என்ன? 30°C வெப்பநிலையில் சோடியம் குளோரைடின் கரைதிறன் 36 கி.

தீர்வு :

30 °C வெப்பநிலையில், 100 கி நீரில் கரையும் சோடியம் குளோரைடு = 36 கி

ஃ 100 கி நீரில் தெவிட்டிய கரைசலை உருவாக்கத் தேவையான சோடியம் குளோரைடின் நிறை = 36 கி

ஃ 50 கி நீரில் தெவிட்டிய கரைசலை உருவாக்கத் தேவைப்படும் சோடியம் குளோரைடின் நிறை = [36 × 50] / 100 = 18 கி

4) 50°C மற்றும் 30°C வெப்பநிலையில் சோடியம் நைட்ரேட்டின் கரைதிறன் முறையே 14 கி மற்றும் 96 கி. 50 கி நீரில் உருவான தெவிட்டியக் கரைசலை 50°Cல் இருந்து 30°C வெப்பநிலைக்கு குளிரூட்டும் போது கரைசலில் இருந்து வெளியேற்றப்படும் அல்லது வீழ்படிவாகும் சோடியம் நைட்ரேட் உப்பின் நிறையைக் காண்க.

தீர்வு:

50°C வெப்பநிலையில் 100 கி நீரில் கரையும் சோடியம் நைட்ரேட்டின் நிறை 114 கி

ஃ 50°C வெப்பநிலையில் 50 கி நீரில் கரையும் சோடியம் நைட்ரேட்டின் நிறை = [114 × 50] / 100

= 57 கி

அதே போல் 30°C வெப்பநிலையில் 50 கி நீரில் கரையும் சோடியம் நைட்ரேட்டின் நிறை = [96 × 50] / 100

= 48 கி

50 °C ல் இருந்து 30 °C வெப்பநிலைக்கு குளிரூட்டும் போது 50 கி நீரைக் கொண்டு உருவான தெவிட்டிய கரைசலில் இருந்து வெளியேற்றப்படும் அல்லது வீழ்படிவாகும் சோடியம் நைட்ரேட்டின் நிறை =

57 - 48 = 9 கி

II. நிறை சதவீதத்தை அடிப்படையாகக் கொண்ட கணக்குகள்.

1) 100 கி நீரில் 25 கி சர்க்கரையைக் கரைத்து ஒரு கரைசல் தயாரிக்கப்படுகிறது. அதன் கரைபொருளின், நிறை சதவீதத்தைக் காண்க.

தீர்வு:

கரைபொருளின் நிறை = 25 கி

கரைப்பானின் நிறை = 100 கி

= 20%

2) 25°C வெப்பநிலையில் 100 கி நீரில், 16 கி சோடியம் ஹைட்ராக்ஸைடு கரைக்கப்படுகிறது. கரைபொருள் மற்றும் கரைப்பானின் நிறை சதவீதத்தைக் காண்க.

தீர்வு :

கரைபொருளின் நிறை (NaOH) = 16கி

கரைப்பானின் நிறை (H₂O) = 100 கி

(i) கரைபொருளின் நிறை சதவீதம்

நிறை சதவீதம் = கரைபொருளின் நிறை / (கரைபொருளின் நிறை + கரைப்பானின் நிறை) × 100

கரைபொருளின் நிறை சதவீதம் = 13.79%

(ii) கரைப்பானின் நிறை சதவீதம்

= 100 - (கரைபொருளின் நிறை சதவீதம்)

= 100 - 13.79 = 86.21%

3) 500கி கரைசலில் 10% (w/w); யூரியா நீர்க் கரைசலைப் பெறத் தேவையான யூரியாவின் நிறையை கணக்கிடுக.

தீர்வு :

தேவையான யூரியாவின் நிறை = 50 கி

(iii) கன அளவு சதவீதத்தை அடிப்படையாகக் கொண்ட கணக்குகள்.

1) 35 மி.லி மெத்தனால் 65 மி.லி நீருடன் சேர்க்கப்பட்டு ஒரு கரைசல் தயாரிக்கப்படுகிறது. கரைசலின் கனஅளவு சதவீதத்தைக் காண்க.

தீர்வு :

மெத்தனாலின் கனஅளவு = 35 மி.லி

நீரின் கனஅளவு = 65 மி.லி

= 35%

2) 200 மி.லி, 20% (v/v) எத்தனால் - நீர்க்கரைசலில் உள்ள எத்தனாலின் கன அளவைக் கணக்கிடுக.

தீர்வு :

எத்தனால் நீர்க்கரைசலின் கனஅளவு = 200 மி.லி

கனஅளவு சதவீதம் = 20%

கன அளவு சதவீதம் = [கரைபொருளின் கன அளவு / கரைசலின் கனஅளவு] × 100

20 = [எத்தனாலின் கனஅளவு / 200] × 100

எத்தனாலின் கனஅளவு = [20 × 200] / 100 = 40 மி.லி