பின்வரும் கேள்விகளுக்கு விடையளிக்க

V. கருத்துரு வினாக்கள்

1. உயர் மின்திறன் கம்பியில் அமர்ந்திருக்கும் ஒரு பறவை பாதுகாப்பாகவே உள்ளது. எப்படி?

விடை:  

• உயர் மின்திறன் கம்பியில் அமர்ந்திருக்கும் ஒரு பறவை பாதுகாப்பாகவே உள்ளது. ஏனெனில் ஒரே கம்பியில் இருப்பதால் மின் சுற்று பூர்த்தியாகாது.

• மின்னழுத்த வேறுபாடு சுழி ஆகும்.

• இதே பறவை மற்றொரு காலை (அ) இறகை அருகிலுள்ள கம்பியில் மோதச் செய்தால் மின்சுற்று பூர்த்தியடைந்து பறவை எரிந்துவிடும்.

2. சூரிய மின்கலத்தின் மின்னழுத்தம் எப்போதும் மாறாமல் இருக்குமா? கலந்தாய்வு செய்க.

விடை:  

• சூரிய மின்கலத்தில் மின்னழுத்தம் எப்போதும் ஓரே சீராக இருக்காது.

• சூரிய மின்கலம் ஒளி மின்னழுத்த விளைவு தத்துவத்தில் செயல்படுகிறது.

• இதனால் மின்னோட்டம், மின்னழுத்தம், மின் தடை ஆகியவை மாறுபடும். சூரிய கதிர் குறைந்த செறிவிலிருந்து, உயர் செறிவிற்கு செல்லும்.

3. மாறு மின்னோட்டத்தின் மூலம் மின் முலாம் பூச முடியுமா? காரணம் கூறு.

விடை:  

• மாறு மின்னோட்டத்தின் மூலம் மின் முலாம் பூச முடியாது.

• காலத்தைப் பொறுத்து மின்னோட்டத்தின் திசை மாறிக் கொண்டே இருக்கும். எனவே A.C ஐக் கொண்டு மின் முலாம் பூச முடியாது.

• எனவே மின்முலாம் பூச நேர்த்திசை மின்னோட்டத்தை (DC) பயன்படுத்த வேண்டும்.

VI. பின்வரும் வினாக்களுக்கு விடையளி.

1. இரு மின்னூட்டங்களுக்கு இடையேயான நிலைமின்னியல் விசை எந்த காரணிகளைச் சார்ந்தது?

விடை:  

i) மின்னூட்ட மதிப்பு

ii) மின்னூட்டங்களுக்கு இடையேயான தொலைவு

iii) அவற்றுக்கிடையேயான ஊடகத்தின் தன்மை

2. மின்விசைக் கோடுகள் என்றால் என்ன?

விடை:  

மின்புலத்தைக் குறிக்கும் கோடுகள் மின்விசைக்கோடுகள் எனப்படும். மின்புலத்தில் வைக்கப்படும் ஓரலகு நேர் மின்னோட்டம் நகரும் நேர் அல்லது வளைவு கோடுகள்.

3. மின்புலம் - வரையறு.

விடை:  

ஒரு புள்ளியில் வைக்கப்படும் ஓரலகு நேர்மின்னூட்டத்தினால் உணரப்படும் விசையே அப்புள்ளியில் மின்புலம் எனப்படும்.

4. மின்னோட்டம் - வரையறு. அதன் அலகினைத் தருக.

விடை:  

• மின்சுற்றின் ஒரு புள்ளியை ஒரு வினாடியில் கடந்து செல்லும் மின்னூட்டங்களின் மதிப்பு.

I = q / t

• SI அலகு: ஆம்பியர் (A)

5. ஜூலின் வெப்ப விளைவின் அடிப்படையில் வேலை செய்யும் கருவிகள் ஏதேனும் இரண்டினைக் கூறுக.

விடை:   

மின் சலவைப் பெட்டி, நீர் சூடேற்றி, வறுதட்டு (ரொட்டி)

6. வீட்டு உபயோக மின் பொருள்கள் எவ்வாறு இணைக்கப்படுகின்றன? தொடரிணைப்பிலா? பக்க இணைப்பிலா? காரணங்கள் தருக.

விடை:   

பக்க இணைப்பு:

• பக்க இணைப்பில் ஒவ்வொரு மின் சாதனத்திற்குமிடையே மின்னழுத்த வேறுபாடு சமமாக இருக்கும்.

• மேலும் ஒவ்வொரு சாதனத்தையும் தனித் தனியாக ON, OFF செய்ய இயலும் தொடரிணைப்பில் இது முடியாது.

• தொடரிணைப்பில் இணைத்தால் ஒரு மின் சாதனத்தில் பழுது ஏற்பட்டால் மற்ற சாதனங்கள் இயங்காது.

7. மின்சாரத்தைப் பயன்படுத்தும் போது கவனிக்கப்பட வேண்டிய பாதுகாப்பு அம்சங்களைக் கூறுக.

விடை:   

தரையிணைப்பு :

அதிகப்படியான மின்னோட்டம் நம்மை தாக்காமல் இந்த இணைப்பின் வழியே பூமிக்கு சென்று விடும்.

முறிசாவி

குறிப்பிட்ட அளவிற்கு மேல் மின்னோட்டம் பாய்ந்தால் இணைப்பை துண்டித்து விடும்.

மின்னுருகு இழை :

மின் சுற்றில் குறிப்பிட்ட விழைவு மதிப்பிற்கு மேல் இவ்விழை வழியே

மின்னோட்டம் பாயும் போது உருகி இணைப்பை துண்டித்துவிடும்.

VII. பயிற்சிக் கணக்குகள்

1. நெகிழிச் சீப்பு ஒன்றை தலைமுடியில் தேய்ப்பதனால் அது -0.4C மின்னூட்டத்தைப் பெறுகிறது எனில்,

(அ) எந்தப் பொருள் எலக்ட்ரானை இழந்தது? எது எலக்ட்ரானைப் பெற்றது?

(ஆ) இந்நிகழ்வில் இடம் பெயர்த்தப்பட்ட எலக்ட்ரான்களின் எண்ணிக்கை எவ்வளவு?

விடை:   

(அ) தலைமுடி எலக்ட்ரான்களை இழக்கும். சீப்பு எலக்ட்ரான்களை பெற்றுக் கொள்ளும்.

(ஆ) இடம் பெயர்த்தப்பட்ட எலக்ட்ரான் எண்ணிக்கை = n = q / e

= -0.4 / 16 × 10^-19

q - மின்னூட்டம்  

e - எலக்ட்ரானின் மின் விட்டம்

n - எலக்ட்ரானின் எண்ணிக்கை n = -0.25 × 10¹⁹ = 2.5 × 10¹⁸

விடை:   

எலக்ட்ரானின் எண்ணிக்கை n = 2.5 × 10¹⁸

2. 2.5A அளவு மின்னோட்டம் மின்விளக்கு ஒன்றின் வழியே 2 மணி நேரம் பாய்ந்தால், அதன் வழியே செல்லும் மின்னூட்டத்தின் மதிப்பைக் கணக்கிடுக.

தீர்வு :

I = q / t

நேரம் t = 2 மணி = 2 × 60 × 60 = 7200

வினாடி மின்னோட்டம் = 2.5 A

மின்னூட்டம் q = I × t

= 2.5 × 7200

=18000 கூலும்

விடை:   

மின்னூட்டம் q = 18000 கூலும்

3. மின்தடையம் ஒன்றில் பாயும் மின்னோட்டம் (1) மற்றும் அதன் குறுக்கே உருவாகும் மின்னழுத்த வேறுபாடு (V) ஆகியவற்றின் மதிப்புகள் கொடுக்கப்பட்டுள்ளன. மின்தடையத்தின் மின்தடை மதிப்பு என்ன?

தீர்வு :

I (ஆம்பியர்) - 0.5 , 1.0 , 2.0 , 3.0 , 4.0

V (வோல்ட்) - 1.6 , 3.4 , 6.7 , 10.2 , 13.2

நினைவுக் குறிப்பு : V-1 வரைபடத்தை வரைந்து அதன் சாய்வை எடுக்கவும்.

மின்தடையின் மதிப்பானது (R), சாய்விலிருந்து பெறப்படுகிறது.

சாய்வு = 1 / R = BC / AC = 2 / 6.8

P = 6.8 / 2 = 3.4 Ω

விடை:   

மின்தடை மதிப்பு = 3.4 Ω

பிற நூல்கள்

1. Fundamentals of Physics by K.L. Gomber & K.L. Gogia

2. Concepts of Physics by H.C Verma

3. General Physics by W.L. Whiteley

இணைய வளங்கள்  

https://www.qrg.northwestern.edu/projects/vss/ docs/propulsion/1-what-is-an-ion.html

http://www.explainthatstuff.com/batteries.html

http://www.woodies.ie/tips-n-advice/how-thefusebox-works-in-the-home-new

கருத்து வரைபடம்

இணையச் செயல்பாடு

ஓம் விதியை மெய்ப்பித்தல்

இச்செயல்பாடு மூலம் மின்னோட்டத்திற்கும் மின்னழுத்த வேறுப்பாட்டிற்கும் இடையே உள்ள தொடர்பினை அறிந்து கொள்ளுதல்.

படிநிலைகள்

● கீழ்க்காணும் உரலி / விரைவுக் குறியீட்டினைப் பயன்படுத்தவும்.

'● 'V' மற்றும் 'P' ஆகியவற்றின் மதிப்பினை மாற்றி உள்ளீடு செய்வதன் மூலம், மின்கடத்தியில் உள்ள மின்னோட்டத்தை அறிய இயலும்.

● இப்பக்கத்தின் வலப்புறத்தில், 'V' மற்றும் 'R' –ன் மதிப்புகளை மாற்றி மின்னோட்ட வேறுபாடுகளை அறிந்து கொள்ளலாம்.

உரலி : https://phet.colorado.edu/en/simulation/ohms/law