கீழ்க்காண்பனவற்றிற்கு சுருக்கமாக விடையளி

IV. சுருக்கமாக விடையளி.

1. மனித உரிமை என்றால் என்ன?

விடை:

“இன, பாலின, தேசிய, இனக்குழு, மொழி, மதம் அல்லது வேறு தகுதி அடிப்படையைப் பொருத்து மாறுபடாமல் மனிதர்களாகப் பிறக்கும் அனைவருக்கும் மரபாக இருக்கும் உரிமையே” மனித உரிமை ஆகும்.

2. அடிப்படை உரிமைகள் யாவை?

விடை:

அடிப்படை உரிமைகள்.

• சமத்துவ உரிமை

• சுதந்திர உரிமை

• சுரண்டலுக்கு எதிரான உரிமை

• சமய மற்றும் மனச்சான்று சுதந்திரத்திற்கான உரிமை 

• சிறுபான்மையினருக்கான பண்பாடு மற்றும் கல்வி உரிமைகள்.

• அரசமைப்புச் சட்ட வழி தீர்வுகளுக்கான உரிமை

3. இதைகளுக்கான உரிமைகளாக ஐ.நா. சபை அறிவித்துள்ளவை யாவை?

விடை:

குழந்தைகளுக்கான உரிமைகள் :

• வாழ்வதற்கான் உரிமை.

• குடும்பச் சூழலுக்கான உரிமை

• கல்விக்கான உரிமை

• சமூக பாதுகாப்பு உரிமை

• பாலியல் தொல்லைகளுக்கு எதிரான உரிமை

• விற்பது மற்றும் கடத்தலுக்கு எதிரான உரிமை

• குழந்தை உழைப்பு முறை போன்ற மற்ற சுரண்டல்களுக்கு எதிரான உரிமை.

4. அரசியலமைப்புத்தீர்வு வழிகளுக்கான உரிமையைப் பற்றி சிறு குறிப்பு வரைக.

விடை:

• ஒரு குடிமகனின் அடிப்படை உரிமைகள் மறுக்கப்படுகையில், அரசமைப்பு தருகின்ற தீர்வழிகளுக்கான உரிமைகளின்படி அவர் நீதிமன்றத்தை அணுகலாம்.

• நீதிமன்றம் அக்குடிமகனுக்குரிய உரிமையை மீட்டளிக்குமாறு அரசுக்கு ஆணையிடுகிறது இது நீதிப் பேராணை என்று அழைக்கப் படுகிறது.

• ஒரு செயல் அரசமைப்புச் சட்டத்தின் படி ஏதேனும் தவறானதாக கருதப்படின் அதற்கான சரியான தீர்வுகளை அரசமைப்புச் சட்ட தீர்வாணைகள் வழங்குகின்றன.

5. போக்சா (POCSO) - வரையறு.

விடை:

• போக்சா சட்டம் பாலியல் குற்றங்களிலிருந்து குழந்தைகளைப் பாதுகாக்கும் சட்டம் ஆகும்.

சிறப்பு அம்சங்கள் :

• இச்சட்டம் 18 வயது வரை உள்ளவர்களை குழந்தைகள் என வரையறுக்கிறது. குழந்தைகளின் உடல், மன,அறிவுசார் மற்றும் சமூக வளர்ச்சியினை உறுதி செய்கிறது.

• பாலியல் வன்கொடுமையில் ஈடுபடுபவர்க்குத் தகுந்த தண்டனை வழங்குகிறது.

• குழந்தையின் வாக்குமூலம் அவ்வாறே பதிவு செய்ய வேண்டும்.

• பாதிக்கப்பட்ட குழந்தையை அடிக்கடி சாட்சி சொல்ல அழைக்கக் கூடாது.

6. குழந்தைகளுக்குச் சிறப்பு கவனம் தேவைப்படுவது ஏன்?

விடை:

குழந்தைகளுக்குச் சிறப்புக் கவனம் தேவை. ஏனெனில்

• குழந்தைகள் பொருளாதாரச் சுரண்டல், பாலியல் சுரண்டல், பாலியல் துன்புறுத்தல், போதைப் பொருள் கடத்தல் மற்றும் குழந்தைத் தொழில் ஆகிய காரணங்களுக்காக விற்பனை அல்லது கடத்தல் செய்யப்படுகின்றனர்.

7. தொழிலாளர் நலனுக்காக பி.ஆர். அம்பேத்காரின் பங்களிப்பு யாவை?

விடை:

பெண் தொழிலாளர்கள் நலனுக்காக டாக்டர். பி.ஆர். அம்பேத்கார் பங்களிப்பு :

• சுரங்கத் தொழிலாளர் பேறுகால நன்மைச் சட்டம்

• பெண் தொழிலாளர் நலநிதி

• பெண்கள் மற்றும் குழந்தைத் தொழிலாளர் பாதுகாப்புச் சட்டம்

• பெண் தொழிலாளர்களுக்கான பேறுகால நன்மைகள் போன்ற சட்டங்கள் இயற்றப்பட்டன.

8. சட்டத்தின் முன் அனைவரும் சமம். ஆனால் பெண்களுக்கான தனிச்சட்டம் நடைமுறைப் படுத்தப்படுகிறது. நியாயப்படுத்துக.

விடை:

• சட்டத்தின் முன் அனைவரும் சமம் ஆயினும் வேலை வாய்ப்புகளில் பாலினப் பாகுபாடு காணப்படுகின்றது.

• பெண் குழந்தைகள் சிறுவயதிலேயே திருமணம் செய்யப்படுவதனால் குழந்தைப் பருவத்தின் மகிழ்ச்சிகள்,கல்வியறிவு, ஆரோக்கியமான வாழ்வை இழந்து விடுகின்றனர்.

• எனவே பெண்களுக்கான தனிச் சட்டம் நடைமுறைப் படுத்தப்படுகிறது.

9. டாக்டர் பி.ஆர். அம்பேத்கர் தொழிலாளர் நலனுக்கு அளித்த பங்களிப்பைப் பற்றி ஏதேனும் இரண்டு கூறு.

விடை:

• தொழிற்சாலையில் வேலை நேரம் குறைப்பு.

• தொழிற்சங்கங்களின் கட்டாய அங்கீகாரம்.

• தொழிலாளர் காப்பீட்டுக் கழகம் (E.S.I.)

• தொழிலாளர்களுக்கான குறைந்த பட்ச ஊதியம்.

10. வேறுபடுத்துக - மனித உரிமைகள் மற்றும் அடிப்படை உரிமைகள். மனித உரிமைகள் மற்றும் அடிப்படை உரிமைகளுக்கு இடையிலான வேறுபாடுகள் :

விடை:

மனித உரிமைகள்:

1. மனிதன் தன்மானத்தோடும், சுதந்திரத்தோடும் வாழ்கின்ற உரிமைகள்.

2. மனிதனின் வாழ்வில் அடிப்படைத் தேவைகளுக்கான உரிமைகள் இதில் அடங்கியுள்ளன. இவற்றைப் பறிக்க இயலாது.

3. மனித உரிமைகள் பன்னாட்டு அளவில் அங்கீகரிக்கப்பட்டவை.

அடிப்படை உரிமைகள்:

1. அரசமைப்பில் காணப்படும் குடிமக்களின் ஆதார உரிமைகள் அடிப்படை உரிமைகள் எனப்படும். இவை சட்டத்தின் மூலம் நடைமுறைப்படுத்தப்படலாம்.
2. மக்களின் இயல்பு வாழ்க்கைக்கு ஆதாரமாக உள்ள உரிமைகளும், அடிப்படை - உரிமைகளில் அடங்கும்.

3. அடிப்படை உரிமைகள் நமது நாட்டின் அரசமைப்புச் சட்டத்தின் மூலம் உத்திரவாதம் அளிக்கப்படுகின்றன.