சுருக்கமாக விடையளி

IV. குறுகிய வினாக்களுக்கு விடையளி.

1. உணவுப் பயிர்களுக்கு இரண்டு எடுத்துக்காட்டுகளும், உணவல்லாத பயிர்களுக்கு இரண்டு எடுத்துக்காட்டுகளும் எழுதுக.

விடை:

உணவுப் பயிர்கள் :

1. நெல்,

2. சோளம்

உணவல்லாத பயிர்கள் :

1. தென்னை ,

2. பருத்தி

2. பயிர்கள் பயிரிடப்படும் பரப்பளவு மாறுவதற்கான காரணிகள் யாவை?

விடை:

• தமிழகத்தில் பயிர் செய்யப்படும் பரப்பளவு 4544000 ஹெக்டேர்கள் ஆகும். இப்பரப்பு ஆண்டுக்கு ஆண்டு மாறும்.

• மழைப்பொழிவு காலத்தில் போதுமான மழை இருந்தால் இப்பரப்பு கூடும்.

• மழை பொய்த்தாலோ, குறைந்தாலோ இப்பரப்பு குறையும், இவ்வாறு பயிர்கள் பயிரிடப்படும் பரப்பளவு மாறுவதற்கான முக்கியக் காரணி மழைப் பொழிவு ஆகும்.

3. நிலத்தடி நீரின் அளவையும், தன்மையையும் யாரால் கண்காணிக்கப்படுகிறது?

விடை:

• நிலத்தடி நீரின் அளவையும் தன்மையையும் மத்திய நிலத்தடி நீர் வாரியம் கண்காணிக்கிறது.

4. பயிர்களின் விளைச்சல் எதனைச் சார்ந்து இருக்கிறது?

விடை:

• பயிரிடப்படும் நிலப்பரப்பு

• நிலத்தடி நீர்

• மழைப்பொழிவு

• நீர் இருப்பு

• காலநிலை

• சந்தைவிலை

• உற்பத்தித்திறன்

5. சிறு மற்றும் குறு விவசாயிகளை வேறுபடுத்துக.

விடை:

சிறு விவசாயிகள்:

1 1-2 ஹெக்டேர் நிலப் பரப்பில் சாகுபடி செய்வோர் சிறுவிவசாயிகள் ஆவர்.

2 மொத்த விவசாயிகளில் 14 விழுக்காட்டினர் சிறு விவசாயிகள் ஆவர்

3 மொத்த நிலப்பரப்பில் 26 விழுக்காடு நிலத்தில் விவசாயம் செய்கின்றனர்.

குறு விவசாயிகள்:

1. ஒரு ஹெக்டேருக்கும் குறைவான பரப்பில் சாகுபடி செய்வோர் குறு விவசாயிகள் ஆவர்.

2. மொத்த விவசாயிகளில் 78 விழுக்காட்டினர் குறு விவசாயிகள் ஆவர்.

3. மொத்த நிலப்பரப்பில் 36 விழுக்காடு நிலத்தில் விவசாயம் செய்கின்றனர்.