நினைவில் கொள்க

நினைவில் கொள்க

❖  உலகிலுள்ள அனைத்துமே ஏதோ ஒரு மாற்றத்திற்கு உட்படுத்தப்படுகிறது. இவை இடம், வடிவம், உருவம், நிலை, வண்ணம், வெப்பநிலை மற்றும் இயைபில் நிகழலாம்.

❖  வேகமான மாற்றம் - குறுகிய கால அளவில் நடைபெறும். மெதுவான மாற்றம் அதிக காலம் எடுத்துக்கொள்ளும்.

❖  மீள் மாற்றம் - மீண்டும் தன் ஆரம்ப நிலையை அடையும்.

❖  மீளா மாற்றம் மீண்டும் தன் ஆரம்ப நிலையை அடையாது.

❖  விரும்பத்தக்க மாற்றம் - சுற்றுச் சூழலுக்குப் பயன் தரக்கூடியது மற்றும் ஆபத்து அற்றது.

❖  விரும்பத்தகாத மாற்றம்-சுற்றுச் சூழலுக்குப் பயன்தராதது மற்றும் ஆபத்தானது

❖  இயற்கையான மாற்றம் இயற்கையில் தன்னிச்சையாக நடைபெறக்கூடியது.

❖  மனிதனால் ஏற்படுத்தப்பட்ட மாற்றம் மனிதன் தன் விருப்பத்திற்காக ஏற்படுத்தியது.

❖  கரைசல் - கரைபொருளை கரைப்பானில் கரைத்துப் பெறப்படுகிறது.

❖ திண்மத் துகள்கள் தனித்தனி மூலக்கூறுகளாகப் பிரிக்கப்பட்டு, நீர்ம மூலக்கூறுகளுக்கு இடையே விரவுதலை நாம் கரைதல் என்கிறோம்.

இணையச்செயல்பாடு

மீள் மற்றும் மீளா வினை

செயல்பாட்டின் மூலம் பொருள்களின் மீளும் / மீளா வினைகளை அறிவோமா

படி 1: கீழ்க்காணும் உரலி / விரைவுக் குறியீட்டைப் பயன்படுத்தி 'Reversible and irreversible changes's பக்கத்திற்குச் செல்க. பொருள்களைத் தேர்வு செய்ய இரண்டு ஓரங்களிலும் இருக்கும் அம்புக்குறிகளைப் பயன்படுத்தவும்.

படி 2: சுட்டியைப் பயன்படுத்தி பொருளைக் கண்ணாடி குவளைக்குள் இழுத்து, பொருளின் நிலையை உற்று நோக்குக. செயல்பாட்டின் இடையில் உள்ள Dissolving | Reversing என்பதைச் சொடுக்கவும்.

படி 3: மீளாச்செயல்பாட்டிற்குச் சில பொருள்களைக் குளிரூட்டவோ வெப்பமாக்கவோ செய்க. மேலும் சில பொருள்களை வெப்பமூட்டி வடிகட்டத் தேவையான பொத்தானைச் சொடுக்கவும். இந்நிலையில் திரையில் காணும் பொருளைச் சூடாக்கவோ குளிரூட்டவோ தேர்வு செய்து கொள்ளலாம். அவற்றுக்குரிய பொத்தான்களைப் பயன்படுத்தலாம்.

படி 4: Reset என்பதைச் சொடுக்கி மீள்நிலைக்கு வருக.

உரலி:

http://www.bbc.co.uk/schools/scienceclips/ages/10_11/rev_irrev_changes_ fs.shtml

*படங்கள் அடையாளத்திற்காக மட்டுமே.