வெர்னியர் அளவி-ஒரு கோள வடிவப் பொருளின் விட்டத்தைக் கணக்கிடுதல்

செய்முறை

இயற்பியல்

1. வெர்னியர் அளவி-ஒரு கோள வடிவப் பொருளின் விட்டத்தைக் கணக்கிடுதல்

நோக்கம்:

வெர்னியர் அளவியைப் பயன்படுத்தி கோள வடிவப் பொருளின் விட்டம் காணல்.

தேவையான பொருள்கள்:

வெர்னியர் அளவி, கோள வடிவப் பொருள் (கிரிக்கெட் பந்து)

சூத்திரம்:

i) மீச்சிற்றளவு (LC) = 1 முதன்மைக்கோல் பிரிவு - 1 வெர்னியர் கோல் பிரிவு

= 1 மிமீ - 0.9 மி.மீ

LC = 0.1 மி.மீ (அ) 0.01 செ.மீ

ii) கோள வடிவப் பொருளின் விட்டம் (d) = M.S.R+ (V.C × LC) ± ZC. செ.மீ

MSR - முதன்மைக் கோல் அளவு

VC - வெர்னியர் கோல் ஒன்றிப்பு

LC - மீச்சிற்றளவு (0.01 செ.மீ)

ZC - சுழித் திருத்தம்.

செய்முறை:

• வெர்னியர் அளவியின் மீச்சிற்றளவைக் கண்டறிதல்.

• வெர்னியர் அளவியின் சுழித்திருத்தம் கண்டறிதல்.

• கொடுக்கப்பட்டப் பொருளினை இரு கீழ்த்தாடைகளுக்கு இடையே உறுதியாகப் பற்றியிருக்கும்படி வைக்கவும்.

• முதன்மைக்கோல் அளவினையும், வெர்னியர் ஒன்றிப்பு அளவினையும் குறிக்கவும்.

• பொருளினை வெவ்வேறு பகுதிகளில் வைத்து சோதனையை மீண்டும் செய்து அளவினைக் கீழ்க்கண்டவாறு அட்டவணைப்படுத்துக.

• சூத்திரத்தைப் பயன்படுத்தி கணக்கீடு செய்து கோளவடிவப் பொருளின் விட்டத்தைக் கணக்கிடவும்.

d = M.S.R + (V.C × LC) ± ZC. செ.மீ

மீச்சிற்றளவு (LC) = 0.01 செ.மீ

சுழித்திருத்தம் (ZC): -----------

முடிவு:

கொடுக்கப்பட்ட கோள வடிவப் பொருளின் விட்டம் 7.26 செ.மீ (கிரிக்கெட் பந்து)