திருகு அளவி ஒரு இரும்பு ஆணியின் தடிமனைக் கணக்கிடுதல்

2. திருகு அளவி ஒரு இரும்பு ஆணியின் தடிமனைக் கணக்கிடுதல்.

நோக்கம்:

கொடுக்கப்பட்ட ஒரு இரும்பு ஆணியின் தடிமனைக் காணல்.

தேவையான பொருள்கள்:

திருகு அளவி மற்றும் இரும்பு ஆணி.

சூத்திரம்:

i) மீச்சிற்றளவு (LC) = புரியிடைத்தூரம் / தலைக்கோலின் மொத்தப்பிரிவுகளின் எண்ணிக்கை

ii) தடிமன் (t) = புரிக்கோல் அளவு(P.S.R) + (தலைக்கோல் ஒன்றிப்பு(HSC)

 × மீச்சிற்றளவு(L.C)) ± சுழித்திருத்தம்

t = P.S.R + (H.S.C × LC) ± Z.C

பிழை:

i) நேர்ப்பிழை : நேர்ப்பிழை 5 புள்ளிகள் எனில், சுழித் திருத்தம் 5 புள்ளிகள் கழிக்க வேண்டும்.

t = PSR + (HSC × LC) - ZC

t = PSR + (HSC × LC) - 5

ii) எதிர்ப்பிழை : எதிர்ப்பிழை 95 புள்ளிகள் (100 - 95 = 5 புள்ளிகள்) எனில், சுழித் திருத்தம் 5 புள்ளிகள் கூட்ட வேண்டும்.

t = PSR + (HSC × LC) + ZC

t = PSR + (HSC × LC) + 5

iii) சுழிப்பிழை : எந்தவித சுழித்திருத்தமும் இல்லையெனில் t = PSR + (HSC× 0.01) + 0

செய்முறை:

• திருகு அளவியின் மீச்சிற்றளவு (LC) = 0.01 மி.மீ ஆகும்.

• திருகு அளவியின் இரு முகங்கள் S1, S2 இணைந்திருக்கும் பொழுது மேற்கண்ட முறையில் சுழிப்பிழை மற்றும் சுழித்திருத்தம் காண வேண்டும்

• திருகு அளவியின் இரு முகங்களுக்கிடையே இரும்பு ஆணியை வைத்து, புரிக்கோல் அளவையும், புரிக்கோல் அச்சோடு (P.S.R) பொருந்தும் தலைக்கோல் ஒன்றிப்பையும் (H.S.C) காண வேண்டும்

இரும்பு ஆணியின் தடிமன் t = P.S.R + (H.S.C × LC) + ZC

இதைப்போல, இரும்பு ஆணியின் வெவ்வேறு பகுதிகளை திருகு அளவியில் பொருத்தி, சோதனையைத் திரும்பவும் செய்யவும். அளவீடுகளை கீழ்க்கண்ட அட்டவணையில் நிரப்புக.

சுழித்திருத்தம்: (ZC) இல்லை .

மீச்சிற்றளவு: 0.01மி.மீ

முடிவு: கொடுக்கப்பட்ட இரும்பு ஆணியின் தடிமன்= 4.63.மி.மீ